געבליבן געטרי, א שפאנענדע מעשה פון: אן אויסגעצייכנטע אשת חיל, א ביישפיל פון א ריכטיגע עקרת הבית. פארוואס באהאלט זיי אויס פון איר מאן פאר א לאנגע צייט די טראגישע צרה וואס האט זיי באטראפן? א יונגער בחור'ל מיט שאיפות צו בלייבן תורה טריי. פארוואס דארף ער קעמפן מיט זיין רייכן טאטן צו קענען פארן צו א וועלט - בארימטע ישיבה? א געטרייע טאכטער וואס באווייזט צו פארדינען געלט ווייל זיי וויל לינדערן די ארעמקייט אין שטוב, אבער פארוואס טוט זי דאס הינטער איר מאמע'ס רוקן? ר' אברהם פארט ארויס קיין חוץ לארץ צו זאמלען נדבות און ער ערפילט זיין שליחות מיט געטריישאפט. פארוואס קלויבט מען אים פונקט אויס אלס שד"ר? דער לעבנסשטייגער פון די יקירי ירושלים געשילדערט אין "געבליבן געטריו" וועט אריינברענגען אין דיין הארץ א שטארקע, טיפע שעצונג צו תלמידי חכמים וועלכע זענען זיך מקריב צו לערנען תורה מתוך דחקות, און א באגריף וואס עס מיינט לויטערע אמונת חכמים. עס וועט דיר קלעמען צו הערן ווי אידן אין ירושלים האבן זיך געראנגלט מיט מיסיאנערן לאנג איידער זיי האבן געדארפט באקעמפן די ציונים וועלכע האבן זיי געוואלט אפפירן פונעם ערליכן דרך. "געבליבן געטריו" איז א פיקטיווע מעשה געבויט אויף אמת'ע פאקטן און געשעענישן פון הונדערט - און - פופציג יאר צוריק, פונדעסטוועגן וועסטו זען אז די נסיונות מיט וועלכע זיי האבן זיך געדארפט פארמעסטן זענען נישט צופיל אנדערש פון די שוועריגקייטן מיט וואס איך און דו דארפן זיך ספראווען היינט צוטאגס. "געבליבן געטריי" איז נישט סתם א מעשה וואס דו וועסט ליינען, נאר דו וועסט זיך טרעפן דערין, און דער רושם וועט דיר באגלייטן לאנג נאכן ענדיגן דעם לעצטן בלאט.